Museo Valle-Inclán / Torre de Bermúdez

O museo, de iniciativa municipal, foi creado en 1986 co obxectivo de conservar e difundir a obra dunha figura única da literatura galega e española. Este espazo expositivo recolle aspectos fundamental da vida do autor e da súa produción artística, referencias á época e a outras grandes personalidades coetáneas coas que compartiu vivencias e talento. Os visitantes poderán descubrir primeiras e raras edicións de libros do autor, manuscritos orixinais, fotografías de época, obxectos de belas artes (escultura, pintura, caricatura), vestiario, escenografías e cartelería teatral. Conta ademais cunha sala para exposicións temporais e un auditorio no que se organizan distintas actividades culturais ao longo do ano.