Hórreo do Araño

Destaca ademais polo seu excelente estado de conservación. Construído en pedra e madeira conta cunha cuberta de tella a dúas augas e beirados que rematan con cruces, flanqueadas por pequenos pináculos. A súa construción remóntase ao século XVII e conserva unhas escaleiras de acceso na parede que dá á igrexa de Santa Baia. Este hórreo é todo un símbolo do patrimonio rural galego e un testemuño da enxeñería popular que perdurou ao longo dos séculos.