Museo de escultura Nós Nuco

No interior, exhibe máis de 150 obras da súa autoría de diferentes temáticas pero que establece unha clara liña ligada á realidade social da súa Rianxo natal e aos seus veciños máis ilustres. Carpinteiro de ribeira xa xubilado, Nuco foi capaz de crear un espazo escultórico e expositivo sorprendente, que atesoura traballos en diferentes materiais e con distintas técnicas, principalmente en pedra, ferro ou fibra de vidro. Outra das vantaxes é que a instalación está atendida polo propio artista, o que supón un aliciente extra para descubrir o esplendor da súa obra.